الأربعاء، 6 يونيو 2012

لعبة تلبيس محمد مرسي 2012

في خضم الاحداث المتلاحقة الي بنعايشها وزي ما في ساعة لقلبك وساعة لربك كمان لازم يكون في وقت للترويح عن النفس .. وخلوها فصحى مادام سوف نتناول هنا او نقدم لحضراتكم لعبة تلبيس محمد مرسي مرشح الاخوان المسلمين في انتخابات الرئاسة المصرية 2012 .

ونحن نترك لكم حرية اختيار الملابس والاكسسورات سواء كنت مؤيد محمد مرسي رئيسا لمصر او ضد دولة المرشد والجماعة وناوي تنتخب احمد شفيق او بتقول ينحرقوا الجوز ومقرر تقاطع الانتخابات الرئاسية في جولة الاعادة .

وسيادتك بتقوم بانتظارتحميل لعبة تلبيس محمد مرسي وهي احدث العاب فلاش مصرية .. في ثواني معدودة وطبعا باستخدام الماوس – الفأرة بالفصحى – تقدر تظبط الدكتور محمد مرسي وتعمله نيولوك من تسريحة شعره ولونه الزي المناسب ليه سواء محارب او جرسون او تخليه ع البلاج والبحر وغيره كتير .

ولو عايز ترجع محمد مرسي لاختصاصه في المكوك الفضائي تبع ناسا ممكن تختارله زي رائد فضاء وتقوله طير انت على بلد المحبوب او الى اصدقائه في الفضاء الخارجي .

وفي لعبة تلبيس محمد مرسي مرشح الرئاسة هناك باقة مختارة بعناية من ابرز الكلمات المأثورة لـ محمد مرسي وعنه وفي شرح مبسط لـ مشروع النهضة بتاعه من اول الرأس لحد المؤخرة .

ولا تنسى اخي المواطن انه بامكانك طباعة الشكل النهائي بعد ما تنتهي من لعبة تلبيس مرشح الاخوان محمد مرسي وتعلقه عندك على الحيطة او في اي مكان ترغب بيه .

تفاصيل ومفاجآت اخرى سوف تجدها من ابراهيم عيسى ، صفوت حجازي ، توفيق عكاشة ،عمر عفيفي لكن مش هانحرق عليك اللعبة اكتر من كده ونسمع احلى تحية لفضيلة المرشد وكل محبي محمد مرسي .

وانتظروا قريبا جدا لعبة تلبيس الفريق احمد شفيق .. وبالمرة جرب بطريقك مجموعة العاب فلاش خاصة بالثورة وبـ انتخابات الرئاسة المصرية 2012 والسادة المرشحين الفائزين منهم والخاسرين .


المصدر / مصريات

0 التعليقات:

إرسال تعليق

 

اون لاين Copyright © 2011 -- Template created by O Pregador -- Powered by Blogger